Aawaaraa ek ladke ki sangharsh kathaa hai. kahaanee kaa naayak dev apane pitaa ke vartaav se dukhi hokar ghar chhodkar bhaag jaataa hai. pitaa kee najaro me wah aawaaraa hai. uskaa dosh sirf itanaa hai ki wah apne bachapan ki dost Gauree ko pyaar kartaa hai. ghar chhodane ke baad shuroo hotee hai usake sangharsh kee kahaanee. isee beech sena me wah anushaasit sainik ban jaataa hai. parantu uske pitaa ab bhee use aawaaraa hi samajhte hai. jab wah ghaayal awasthaa me sainik aspataal me hotaa hai tabhee Gauree kee shaadee uski ichchhaa ke virudh kar di jaatee hai. dev ki mulaakaat shreenagar me ritaayard Major Raghav aur uski betee Roomaa se hoti hai jo dev ko pyaar karane lagatee hai. isee beech Major Raghav kee aatankwaadiyo dwaaraa hatyaa kar di jaati hai aur Roomaa ka apaharan kar pakistaan le jaayaa jaataa hai. Dev Rumaa aur Gauri dono ko musheebat se nikalna chaahataa hai. dono hee use pyaar karti hai. kyaa Dev Roomaa ko Pakistaanee aatankvaadiyo ke changul se chhudaa paaegaa? kyaa roomaa yaa Gauree Dev se shaadee kar paaengee? yah kahaanee padhkar paathak swaym jaan jaaenge.
